जगातला उत्कृष्ट संघटक माझा अप्प बसवन्ना

जगातला उत्कृष्ट संघटक माझा अप्प बसवन्ना

मित्रांनो शरणु शरणार्थी ,
      आज संघटन म्हणजे काय हे आपल्याला वेगळ सांगन्याची गरज ऊरली नाही. कुणी एक नेता असतो मागे चार-पाच कार्यकर्ते असतात , आणि राष्ट्रिय कार्यकारिणी त्यांच्यात वाटुन दिलेली असते . ( अपवाद असतात भरपूर पण उल्लेख जागे अभावी करणार नाही ) . पण आज पासून जवळपास 900 वर्षांपूर्वी माझ्या अप्प बसवन्नाने एक असे संघटन करून दाखवले ज्याची न भूतो न भविष्यति अशीच गणना केलि जाईल. थोडक्यात बांधनी मांडतोय , -

१) अनुभव मंटप - लिंगायत धर्मासाठी कायदे बनवनारी संघटना , बसवन्ना याचे संस्थापक अध्यक्ष .

२) शून्य पीठाधीश (अनुभव मंटप अध्यक्ष )- अप्प बसवन्नाच्या संघटनेच एक वैशिष्ट्य. अप्प बसवन्नानी धर्मप्रमुखाच काम ज्ञ्यानाच्या तत्वावर ठेवले . बसवन्नाच्या अनुभव मंटपाला अनुक्रमे अल्लमप्रभुदेव , सिद्धरामन्ना , चन्नबसवन्ना आणि रूद्रमुनी या चार व्यक्तींनी नेतृत्व दिलेल आहे. ह्यांच्या परवानगी नेच लिंगायत धर्माचे कायदे बनले आहेत.

३) शरण (अनुभव मंटप सदस्य) - जर अनुभव मंटपाला आजचे लोकशाही दालन म्हटले तर शरण म्हणजे लोकप्रतिनिधि , शरनांनी वचन रुपात कायदे पारित करण्यासाठी मांडले आणि अनुभव मंटपाद्वारे चर्चेतून ते पारित केल्या गेले. शरण पदापर्यंत पोहोचण्यासाठी अंगी धर्माविषयी तळमळ , चिकित्सक अभ्यासू वृत्ति आणि सर्वात महत्वाचा मुद्दा म्हणजे कायक आवश्यक होता . जवळपास 350 जातींचे आणि 10% स्त्रियांचा सहभाग (आरक्षण लागु नसताना पण ) असलेले 770 शरण अनुभव मंटपाला लाभले होते .

४) जंगम (धर्मप्रचारक ) - अनुभव मंटपाद्वारे तय्यार केल्या गेलेल्या कायदेरूपी वचनांचा प्रचार , प्रसार आणि अंमलबजावनी करुण घेण्याच सर्वात मोठ दायित्व उचलनारे पूर्णवेळ कार्यकर्ते . अनुभव मंटपाला लाभलेल्या एकूण प्रचारकांची संख्या 196000 असल्याचे साहित्यात आढळते.

५) लिंगायत ( बसवन्नाच्या संघटनेचा पाईक ) - तुम्ही मी आपण सर्व आज बसवन्नाच्या, अनुभव मंटपाच्या घालून दिलेल्या नियमांवर चालत आलेल्या खुप मोठ्या संघटनेचे वारसदार आहोत .

      आज भाषेच्या कारणामुले आणि परकीय मनुवाद्यांमुले संघटनेत पुष्कळ बदल घडले असतील पण स्वतःचा ईतिहास वाचून आपण खरे लिंगायत बनू शकतोत . शेवटी लिंगायत हा आचरण धर्म आहे . जंगम, शरण, अनुभव मंटप आणि बसवन्नाच्या तत्वावर चालणार्याच सर्वोत्कृष्ट संघटन आहे. असा माझा अप्प बसवन्ना आणि त्याच्या धर्मातील आज अस्तित्वात असलेल्या प्रत्येक संघटनेने एकत्रित येवून समाजासाठी , अस्तित्वासाठी एकत्र येवून बसवन्नासारख्या संघटकाचे वारसदार असल्याचे जगाला दाखवून देण्याची वेळ आली आहे . म्हणून माझ्या तमाम लिंगायत बांधवांनो आपला जाज्वल्य ईतिहास डोळ्यासमोर ठेवून लिंगायत या एका नावाखाली संघटित व्हा ! मला माहिती नाही की आज धर्ममान्यता परत मिळवन्यासाठी सर्व जन , सर्व संघटन एकत्र कसे होतिल पण एक लिंगायत या नात्याने सर्वसामान्य लिंगायताची पण हीच भावना आहे आणि हेच स्वप्न आहे एवढे मी सांगू शकतो . माझ्या 6 कोटि लिंगायतांच्या भावनांचा विचार करुण सर्व संघटनांनी एकत्र येण्याची योजना आखावी . संघटनेच्या नावाखातर नव्हे तर समाजाच्या अस्तित्वाखातर लढाव एवढीच रास्त अपेक्षा .

- अविनाश यशके
( संपर्क क्र.-8149760150 )

( ह्या विचारांना फेसबुक वर मत , प्रतिक्रिया देण्यासाठी visit करा -
https://m.facebook.com/photo.php?fbid=737217073038580&id=100002508833029&set=gm.752091684869863&refid=18&_ft_&__tn__=E )