माझा बाप बसवन्ना
माझा बाप बसवन्ना,
दिन दुबल्यांचा कैवारी ।
स्थापिला लिंगायत धर्म,
दिली सर्वांना भरारी ।।
धर्म सांगे वंचितांना ,
धर्म सांगे शोषितांना ।
सांगे दुर्बलांना शिवगोष्टि ,
त्यांचे सुख दुःख वारी ।।
ईष्टलिंगाचा जनक ,
अनुभव मंटप संस्थापक ।
लोकशाहीरूपी धर्म देवून ,
पुऱ्या जगताला उद्धारी ।।
माझा बाप बसवन्ना ,
सांगतो मंत्र कायकाचा ।
दावितो मार्ग सत्याचा ,
मानव जातीला तारी ।।
- अविनाश यशके आणि सचिन घुसे
(शेवटची ओळ सुचवन्यास मला माझे मित्र सचिन घुसे यांनी मदत केलि मी त्यांचा आभारी आहे.)
No comments:
Post a Comment